WordPress.com vs. WordPress.org Me Kya Difference Hai Jane Hindi me

Jab bhi hum blog/website banane ke bare me sochte hai. Toh humare mann me yeh sawaal jarur ata hai ke blog kis platform par banaye jaye. Vaise toh bahut se options hote hai jaise ke Blogger, WordPress ,Tumbler etc. Per apko apne liye sabse behtar blog platform ka chunab karna padta hai jo ki humare blogging niche se decide hota hai.

wordpress.com vs wordpress.org

Simple shabdo me kahu toh agar aap blog sirf personal use ke liye kar rahe hai. Toh Blogger, WordPress.com, Tumbler jaise option sabse behtar hote hai. Par agar aap online business karna chahte hai toh WordPress.org (self-hosted) badya option hai. Aaj ki post me mein sirf wordpress.com vs. wordpress.org me difference ke bare me batanuga.

WordPress Kya Hai ?

Wordspress ki khoj 2003 me ek blogging tool ke roop me hui thi. Aaj yeh itna popular ho gya hai ke world ki 27% websites WordPress par banaye gye hai.

Aaj ke time me apne unlimited features ki vajah se WordPress sabse popular blogging platform ban gya hai.

WordPress.com

Fayde

  1. Iska sabse bada fayda yeh ek free blogging tool hai. Yaha par free me blog bana sakte hai.
  2. Yeh self hosted hota hai, matlab iske liye koi hosting kharidane ki jarurat nahi padti.
  3. Personal blogging ke liye sabse badya option hai.
  4. Blog ko manage karna bhaut asaan hota hai. Iske liye html ya css coding ki jarurt nahi padti aap asaani se customise kar sakte hai.
  5. 3gb tak ki free space deta hai. Yeh space personal blogging ke liye kaafi hoti hai fir bhi jarurt padne par space bada sakte hai lakin usko kuch charges dekar kharidna padta hai.
  6. Humare content ka data automatic backup leta hai. Hume iski backup karne tension nahi leni padti.
  7. Free sub-domain provide karta hai jaise domain.wordpress.com free wordpress domain name hai.

Nuksan

  1. Yeh ek rent par liye huye ghar ke jaise hota hai, jaise rent par liye ghar par hamara pura haq nahi hota theek usi tarah wordpress.com ko customise karne ki anumati nahi hoti.
  2. Plugin install nahi kar sakte. Plugin ki bahut importance hoti hai. Templates ko acha look dene me plugin aham bhumika nibhate hai.
  3. Template/theme bhi change nahi kar skte. Sirf hume inbuild themes se hi gujara karna padta hai. Third pary themes upload nahi akr sakte.
  4. Free version me hum Google analytics jaise helpfull products use nahi kar sakte.
  5. Is par banaye blog/website ko business perpose ke liye use nahi kar sakte iski vajah iski limited features hote hai. Business karne ke unlimited features ki jarurt padti hai.

WordPress.org

Fyade

  1. Isme free or paid dono themes install kar sakte hai. Apne blog ke topic ke hisaab se themes choose kar skte hai usko edit kar sakte hai. Bahut se aise websites hai jo free/paid dono WordPress themes provide karti hai. Apne interest ke hisab se aap koi bhi theme install kar sakte hai.
  2. Isme aap apne blog par ads laga kar paise bhi kaam sakte hai. Bahut se log apne blog se croro rupees kama rahe hai. Google Adsense, Chitika, Infolinks jaise bahut se top Ads Websites hai yaha per sign up karke apni website par ads laga sakte hai or paise kama skate hai.
  3. Blog me statatics ki bahut importance hai. Ek blogger hamesha apne blog ki statistics jankari rakhna chahta hai. Google Analytics jaise popular tools hamare blog ki puri detail ko save rakhne me madad karte hai. WordPress.org external analytics tools jo use karne ki bhi subhida deta hai jo k bahut jaruri hota hai ek blogger ke liye.
  4. Hum unlimited plugins ka use kar sakte hai. Plugin website ko ek naya attractive look dete hai.

Nuksan

  1. Asani se manage nahi hota. Unlimited features hone ki vajah se iske settings bahut si hoyi hai jisko manage krna beginners ke liye asaan nahi hota.
  2. Bahut se free plugin or themes hone ka karn isme bahut se features hai. Lakin har theme or plugin ka paid version hota hai jisme uske full features hote hai. Free themes ko fully customise nahi kar sakte or plugins me bhi full features access karne ke liye kharidna padta hai.
  3. Account banane ke liye paid hosting ki jarurt padti hai iski keemat har mahine hosting provider ko chukani padti hai. Bina hosting ke WordPress.org use nahi kar sakte.
  4. Iske liye domain name bhi kharidana padta hai iske ilava domain ke bhi har ek saal baad charges hote hai. Alag alag domain provider ke alag alag charges hote hai.

Dosto uper mene apko wordpress.com or wordpress.org dono par blog banane ke fyade or nuksan ke bare me bataya hai. mene details me apko dono (free or paid) wordpress ke bare me jankari bataye.

Yaha tak me kehna chahta hu agar aap sirf personal blogging karna chahte hai toh me apko wordpress.com recommend karuga yaha par free  me blogging kar  kar sakte hai par agar ap business karna chate hai ya fir blogging me career banana chahte hai toh apko wordpress.org par blog banana chahye jisme unlimted features ke sath sath humara blog ki activities par pura control rehta hai.

Apko yeh jankari kaise lagi jarur bataye sath me apne dosto se bhi share kare. Agar apka koi swaal hai ya fer koi problem ati hai toh jarur comment karke bataye me apki help karne me puri koshish karuga.

5 Comments
  1. Harikant sharma says

    Harpreet Kumar,

    vastav me apne bahut acchi post likhi hai jisse mujhe kafi fayda hua hai
    thanks friend

  2. sachin kumar rajan says

    bahot hi achhi post thi mea soch raha tha ki jab wordpress pe free me blog bana lete hea to kyo paide use karte hea. lekin aap ke es post se meri problem solve ho gayi. thanks

    1. Harpreet Kumar says

      Yes aapka swaal sahi hai. Starting mer mujhe bhi aisi hi confusion thi. Kyuki mujhe sirf wordpress ka pata tha na ki wordpress.com and wordpress.org. JaB mujhe iske defference kaq pat chala toh meri confusion solve hui 🙂

  3. VIJAY PANARA says

    Achi jankari share kiya hai aap ne ajj sari problem dur ho gayi thanks harpreet ji.

    1. Harpreet Kumar says

      Welcome Vijay ji

Leave A Reply

Your email address will not be published.