White Hat SEO Or Black Hat SEO Kya Hota Hai

13

Search Engine Optimization (Seo) blogging ka ek important part hota hai. Seo ke bina blogging me 1% bhi success hasil nahi kar sakte. Jaise kisi kaam ko karne ke 2 raste hote hai. Waise hi blog ki search engine optimization karne ke bhi 2 raste hote hai. Aaj ki is post me mai aapko isi ke bare me detail me batane ja raha hu ki white hat seo aur black hat seo kya hota hai, isme kya farak hai.

Yeh ek bahut important post hai kyuke seo ke rules ko follow karna hi apne blog ko successful banane ka best tarika hota hai. Isliye pura post padhe aur agar koi swaal ho toh comment karke puch le.

white hat seo black hat seo

Jaise ke naam se hi pata chalta hai ki white hat seo kya hota hai. White ka matlab saaf, clear aur acha. Matlab ki apne blog ki seo optimization karne ka sahi aur acha tarika hota hai. Aur dusri taraf black colour se andaja laga sakte hai ki black hat seo kya hota hai. Black matlab blog ko seo friendly banane ka bura, galat aur ganda tarika hota hai.

Agar aap ek new blogger hai ya fir aapko blogging me kaafi time ho chuka hai to aapko iske bare me thodi bahut jankari to jarur hogi agar nahi hai toh is post ko padh kar apko bahut fayda hoga.

Jab Google ya dusre search engines me apne blog ki traffic kaise badhaye ke jaise kuch search kya jata hai toh bahut si paid (paise dekar) backlinks pane ya traffic badhane ke tips ke bare me websites mil jati hai. Jo ke bahut hi kam paise me apke blog ke ache backlinks create karne ka vaada (promise) karti hai.

Aise me jitne bhi bloggers aise offers ko kharidte hai tab woh apne blog ki black hate seo ki taraf le ja rahe hote hai. Yeh ek galat tarika hai. Jaise ke me pehle bhi bahut baar bta chuka hu ke success pane ka koi shortcut nahi hota.

Waise hi blogging me success hone ke liye koi shortcut tarika nahi hota. Iske liye aapko bahut mehnat karni padtegi. White hat seo hi ek aisa tarika hai jisse aap blog ya website ki lambe samay tak market bananye rakh sakte hai aur internet se paise kama sakte hai.

White Hat Seo aur Black Hat Seo kya hai ?

White hat seo aur black hat seo ke bare me janane ke sath yeh bhi jaan le ki Seo kya hota hai aur blog me iska kya fayda hota hai

White Hat Seo Kya Hai?

Google search engine me high ranking position banane ke liye seo ke rules ko follow karke blog ki On-Page Seo Ya Off-page Seo optimization karte hai toh use white hat seo kehte hai. Aise techniques se apke blog me dheere dheere improvements hoti hai lakin blogging me success hone ke liye yahi best tarika hai.

Aaj jitne bhi expert bloggers hai sabhi ne white hat techniques ko hi follow kiya hai. Jiske fayda yeh hua ke Google ne usko itna popular kar diya hai ki usnke blogs per har roj lokho visitors visit karte hai hai aur woh lakho croro rupees monthly kama rahe hai.

White Hat Seo Techniques

  1. Blog ke contents ki quality badhya hoti hai. Kisi bhi tarah ka spelling mistakes nahi hoti.
  2. Badhya contents wale blogs par visitors jyada time spend karte hai aur future me fir se visit karna pasand karte hai.
  3. Isme kisi bhi tarah ke copyright contents use nahi hota. Blog ka har ek word or post original aur khud ki likhi hui hoti hai.
  4. Blog post me seo friendly images ka use hota hai. Har post me minimum ek image ka use hota hai or bina vajah images ka use nahi hota. Aur sabhi images khud ki bananye hui hoti hai. Kisi bhi tarah se copyrighted nahi hoti.
  5. High quality keywords ka perfect use hota hai. Post me sahi jagah par focus keywords ka use kiya jata hai.
  6. Lengthy articles likhe jate hai jisme 300 se jayada words ka use hota hai. Google bhi aise contents ko prefer karta hai aur SERPs me high position deta hai kyuki woh apne readers ko details me jankari dena chahta hai.
  7. Mata Discription ka sahi istemaal kya jata hai. Post Discription me topic se related keywords hi use kiye jate hai. Aur iski lenght 160 characters tak hoti hai.

Black Hat Seo Kya Hai?

Black hat seo paise dekar (paid) kharide gaye backlinks ya galat tarike se traffic pa kar hamare blog ki SERPs (Search Engine Result Pages) ki performance badhane ka shortcut tarika hai. Shuru shuru me toh iska acha benefit milta hai aur apke blog par achi traffic ani shuru bhi ho jati hai

Lakin dheere dheere Google apke blog ko paralised karna shuru kar deta hai or kyuke Google sirf natural backlinks aur search engine optimization ke rules ko follow karke ane wali organic traffic ko pasand karta hai.

Mostly new bloggers aisi techniques ki taraf jaldi attract hote hai. Jiska main karan hota hai paisa kamana. Jaldi paise kamane ke chakkar me woh apna time aur blog dono barbaad kar lete hai. Aur jab tak usko is baat ka pata chalata hai toh bahut ser ho chukki hoti hai.

Black Hat Seo Techniques

  1. Isme sabse pehle toh paid backlinks ka number ata hai. Aise links jo paise dekar kahride jate hai. Aise techniques ka use karke blog ko black hat seo ke tarf le jane ka rasta hota hai. Jo ki agey chal kar blog ki tabahi ka kaaran banta hai.
  2. Blog post me agar focus keyword ko jarurat se jayada use kya jaye toh aise articles ko search engines spammy mante hai. Aisa karke keyword density ke rules ko toda jata hai. Aise tariko se dur hi rehna behtar hota hai aur keywords ka rule ke anusar use kiya jana chahye.
  3. Agar ek post me bina wajah ki images use kare toh yeh blog post ki search engine optimization karne ka galat tarika hota hai. Aisa karke time or post dono waste ho jate hai. Blog me images post ke topic se related honi chahye tabhi post search engines me high ranking pane me safal hoti hai.
  4. Search Engines me achi ranking banane ke liye ek hi post ko 2 baar publish karna ya koi dusra blog bana kar usi post ko publish karna bhi black hat seo ka ek tarika hai. Aise me jab search engines ko crawl karte waqt pta chalata hai toh woh aise articles ko banned kar deta hai.
  5. Jaise ke sabko pata hai ek post me minimum 300 words hone chahye aur maximum koi limit nahi hai. Aise me jo short words ki posts hoti hai aur keywords se bhari padhi hoti hai Google aise posts ko spamming manta hai jaldi hi search engines se remove kar deta hai.

My Experience

Aap sab ne khargosh (rabbit) aur kachhuye (turtle) ki kahaani toh suni hi hogi. Jisme bhagne wale khargosh ki jagah dheere dheere chalane wala kachhuye ki hi jeet hoti hai. Bilkul aisa hi blogging me hota hai. Galat raste par chalne se success kuch had tak milti hai.

Jabki sahi raste par chalne wala blogger hi apne lakshya (aim) ko hasil kar pata hai. So agar apko blogging me achi position banani hai. Toh kadhi mehnat kare aur hamesha white hat seo ke rules ko follow kare.

Me ummeed karta hu ki is post se apko bahut achi jaankari mili hogi. Agar is topic se related koi swaal ppushna hai toh aap comment box me apna message likh sakte hai. Me jaldi hi apki problem ko solve karuga. Agar apke liye yeh post usefull rahi toh apne social sites par share kare.

13 COMMENTS

  1. Hello sir
    Main apne blog ka new or different name kese pta kru taki us Name se koi or blog phle se na bna ho kya aap meri help krege . main student help se sabandit blog bnana chahta Hu

LEAVE A REPLY

Please enter your comment!
Please enter your name here