Hostgator India Hosting Par WordPress Blog Kaise Install Kare

4
18

Web hosting buy karne ke baad sabse pehla jo kaam hota hai wo hai, apni domain ko hosting pe point karna (in case agar aapne domain kisi dusri site se purchase kiya ho) and fir new WordPress blog establish karna. Yaha aaj mai aapko Hostgator India hosting par wordpress blog kaise install karte hai wo bhi 5 minutes me, ke bare me batane wala hu.

Hostgator India top Indian web hosting providers me se ek hai. Jo actual me Hostgator US ka hi ek part hai. Ye apne users ko almost har tarah ki hosting services provide karta hai jisme shared hosting, vps hosting and dedicated hosting plans included hai.

Waise to India me Bluehost India, Godaddy India bhi achi services offer kar rahi hai. Mene ye dono bhi try kiya hai. Lakin sabse best mujhe Hostgator India laga.

Jab aap Hostgator India se hosting buy karte ho to aapki web hosting ko manage karne ke liye Cpanel hota hai. Jisme wordpress ke sathaur bhi bahut se features available hoti hai. Jiske bare me hum ane wale posts me baat karege. Filhal is post me hum Hostgator cpanel par wordpress install karna sikhege.

Hostgator India Hosting Cpanel Se WordPress Blog Kaise Install Kare?

Note: Aap jis domain par WordPress install kar rahe ho. Agar aapne wo kisi dusri domain registrar jaise godaddy ya bigrock se kharida hai to pehle apne domain ke DNS Nameserver ko Hostgator India web hosting par point kar le.

Step 1: Sabse pehle manage.hostgator.in par jaye aur apne account details se login kare.

Step 2: Ab Manage Order >> List/Search Orders par click kare.

Step 3: Ab Manage Web Hosting par click kare. Tab ek popup windows me Hostgator India hosting Cpanel open hoga.

Step 4: Ab Software and Services >> Softaculous apps installer section me jaye.

 

Step 5: Yaha sabse pahle aapko wordpress ka option dekhega. Uspar click kare. Yaha par aapko install button par click karna hai.

Step 6: Ab wordpress installation page open hoga. Yaha aapko niche bataye step anusar details likhni hai.

Software Setup

1 Choose Protocol: Aapki site www ke sath open ho ya bina www ke, aap apni choice se decide kar sakte ho. In my case mai aapko suggest karunga ki site URL www ke sath better hota hai.

2 Choose Domain: Drop-down menu me se jis domain name par aap wordpress blog install karna chahte ho. Usko select kare.

3 In Directory: Isme pre setted wp likha hoga. Mai aapko ise remove karne ki advice dunga. kyuki isse aapki site myname.com/wp, kuch is tarah se open hoga. Isilye site ko myname.com/ URL se open karne ke liye wp word ko remove/delete kar de.

Site Settings

4 Site Name: Apne website ka koi name likhe. 99.99% cases me domain name ka URL hi likhte hai.

5 Site Description: Apne WordPress blog ke bare me 4-5 words likhe.

Note: Baad me aap site name aur description kabhi bhi change kar sakte ho.

6 Enable Multisite (WPMU): Untick kare.

Admin Account

7 Admin Username: Apne blog ka Username choose kare.

8 Admin Password: Apna koi strong password select kare. My suggestion password me humesha capital, small and numerical letters ka combination use kare.

9 Admin Email: Aap jis email se wordpress blog manage karna chahate ho. Wo email ID yaha likhe.

Choose Language

10 Select Language: Apni pasand ki language select kare. Jo aap apne blog par use karna chahte hai. Yaha mene English language select kiya hai.

Select Plugins

11 Limit Login Attempts (Loginizer): Untick kare.

Advance Options

Advance option par click karne par niche image me bataye anusar setting kijiye.

  1. Database Name: Apni site ki file ka naam rakhe.
  2. Table Prefix: Isko aise hi rehne de.
  3. Auto upgrade: Ise tick kare.
  4. Auto upgrade Plugins: Ise bhi tick mark kare.
  5. Auto upgrade Themes: Yeh bhi tick kare.
  6. Automatic backups: Isme once a day ko select kare.
  7. Backup Rotation: 1 Select kare.
  8. Email installation detail to: Isme aapna email ID likhe. Jispar aapmo wordpress install hone par details pana chahte ho.
  9. Finally Install button par click kare.

Install button par click karne par wordpress installation start ho jayegi. Is process ko pura hone me 1 se 5 minutes tak lag sakte hai.

Installation complete hone par aapko login details Email kar di jayegi.

Apna wordpress blog access karne ke liye aap broswer address bar me myname.com and Dashboard check karne ke liye myname.com/wp-admin likhkar open kar sakte ho.

I hope ab aap Hostgator India web Hosting par 1 click WordPress installation with Softaculous karne ka tarika jaan gaye honge. Agar is post se related aapka koi sawal ya suggestion ho to comment section me jarur bataye. Harpreetkumar Hindi blog ki posts ki jankari apne email me pane ke aaj hi subscribe kare.

4 COMMENTS

  1. Sir. Jaisa Aapne is post ki 3rd step me btaya hai cpanal open hone ke bare me. thik usi trh jab me hostgator hosting par WordPress install krta Hu to Iske aage process nhi hoti. MANAGE WEB HOSTING par click krne ke baad is trh ka message aata hai ((This information you have entered in this page will be send over an unsecure connection and could be read by third party)) Iske baad ‘continue ‘ par click krne ke baad blank page open rhta hai aage koi process nhi hoti?
    Domain – godaddy
    Hosting – hostgator se purchase ki hai

    • Technical vajah se aisa ho sakta hai. Aisi condition me aap apne email me se ( jab aap hosting buy karte ho to hosting provider aapko cpanel login details send karta hai) Cpanel link se direct login kar sakte ho.

  2. Sir muJe blogger blog ko WordPress par migrat krna hai par me blogger par jo domain use kar rha Hu. kya isi domain ke saath hosting par wordpress install kar skta Hu ya mujhe is doamin ko blogger se remove krna pdega

LEAVE A REPLY

Please enter your comment!
Please enter your name here